БИШКЕК, 29-дек. — Sputnik. Нарындын Жумгал районундагы Кара-Дөбө кыштоосунда тоо бетинен түшкөн кар көчкү чабанды басып калганын ӨКМ билдирди.
Маалыматка ылайык, кырсык кечээ, 28-декабрь күнү саат түш ченде болгон. Жабырлануучу ал жерде кой кайтарып жүргөнү айтылды.
Жергиликтүү тургундар кечке чейин издөө иштерин жүргүзүп, андан жыйынтык чыккан эмес. Кырсык тууралуу билдирүү ӨКМдин Жумгал районук бөлүмүнө кечинде маалымдалган. Учурда жабырлануучунун аты-жөнү, кар көчкүнүн көлөмү такталууда.
ӨКМ издөө иштери бүгүн да улантыларын айтып, кошумча маалымат берилерин кошумчалады.
